കൊൽക്കത്ത നൈറ്റ് റൈഡേഴ്സിന്‍റെ മുഖ്യ പരിശീലകനായി ചന്ദ്രകാന്ത് പണ്ഡിറ്റ്

കൊൽക്കത്ത: ഇന്ത്യൻ പ്രീമിയർ ലീഗിൽ കൊൽക്കത്ത നൈറ്റ് റൈഡേഴ്സിന്‍റെ മുഖ്യ പരിശീലകനായി ചന്ദ്രകാന്ത് പണ്ഡിറ്റിനെ നിയമിച്ചു. മുൻ ന്യൂസിലൻഡ് താരം ബ്രണ്ടൻ മക്കല്ലം ഇംഗ്ലണ്ട് ദേശീയ ടീമിന്‍റെ മുഖ്യ പരിശീലകനായ സാഹചര്യത്തിലാണ് പണ്ഡിറ്റിന്‍റെ നിയമനം. ചന്ദ്രകാന്ത് പണ്ഡിറ്റിന്‍റെ നിയമനം കൊൽക്കത്ത നൈറ്റ്റൈഡേഴ്സ് ട്വിറ്ററിലൂടെ സ്ഥിരീകരിച്ചു.

ഇന്ത്യൻ ആഭ്യന്തര ക്രിക്കറ്റിലെ പരിശീലകരിൽ ഒരാളായ ചന്ദ്രകാന്ത് പണ്ഡിറ്റ് 2018 ലും 2019 ലും വിദർഭയെ രഞ്ജി ട്രോഫി കിരീടത്തിലേക്ക് നയിച്ചു. കഴിഞ്ഞ സീസണിൽ മധ്യപ്രദേശ് കിരീടം നേടിയപ്പോൾ ചന്ദ്രകാന്ത് പണ്ഡിറ്റായിരുന്നു പരിശീലകൻ. ആഭ്യന്തര ക്രിക്കറ്റിൽ പരിശീലകനെന്ന നിലയിൽ അദ്ദേഹത്തിന്‍റെ ആറാമത്തെ കിരീടമായിരുന്നു അത്. കരുത്തരായ മുംബൈ ടീമിനെയും അദ്ദേഹം പരിശീലിപ്പിച്ചിട്ടുണ്ട്.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.

Related posts

Click Here to Follow Us